Naibahagi rin nito ang kanyang legislative agenda gaya ng pag-amiyenda ng Juvenile Justice Law at mga polisiya patungkol sa housing, education, agriculture at localized peace talks upang maitaguyod ang kapayapaan sa bansa. Titignan din ni Kuya Bong ang pagtatatag ng Department of OFWs na tatayong one-stop shop para sa lahat ng mga serbisyo para sa ating OFWs.

Matapos ang programa, binisita ni Kuya Bong ang mga pasyenteng kakapanganak lang sa ward ng ospital. Tuwang-tuwa ang mga ito dahil nabisita sila ni Kuya Bong at namigay naman ng konting handog si Kuya Bong sa kanila. Ang mga handog na ito ay galing sa mga kaibigan at taga-suporta ni Kuya Bong. Sinabi rin nito sa mga pasyente na mayroon nang Malasakit Center na kayang tulungan sila sa kanilang mga pangangailangan lalo na sa usaping bayarin sa ospital.

Habang palabas ng ward, nakita niya ang mga nakapilang pasyente. Dito sinabi ni Kuya Bong na gagawan niya ng paraan na madagdagan ang bed capacity ng CRMC at ng mga ospital sa buong bansa lalo na kapag nahalal ito bilang senador.

Nagtungo naman si Kuya Bong sa City Hall ng Cotabato upang makapulong ang mga opisyal ng siyudad at mga barangay officials. Ibinahagi nito na malaki ang papel ng lokal na gobyerno lalo na ang mga barangay sa pagsulong ng mga programa ni Tatay Digong dahil sila ang pinakamalapit sa taumbayan.

Nang paalis naman si Kuya Bong sa Cotabato City Hall, napansin niya ang mga senior citizens na nagpupulong sa lobby at naghihintay ng kanilang monthly allowance. Hindi pinalampas ni Kuya Bong na ibahagi ang hangarin at mga benepisyo ng Malasakit Center. Sinabi rin nito kung paano nila magagamit ang mga serbisyo ng Malasakit Center.

Maraming salamat po sa mga taga-Cotabato sa kanilang mainit na pagtanggap kay Kuya Bong. Asahan po ninyong itutuloy niya ang serbisyong TATAK DUTERTE para tuluy-tuloy na rin ang ating inaasam na pagbabago!